دفتر هیات معاونت سازمان ملل متحد در افغانستان امروز(چهارشنبه ۱۰ می ۲۰۲۳) می‌گوید که طالبان علیه شهروندان افغانستان عمل می‌کنند. این نهاد بین‌المللی اضافه می‌کند که طالبان در طول دوسال اخیر نشان دادند که هیچ احترامی به شهروندان افغانستان قایل نیستند.
براساس گزارش تازه‌ای یوناما، طالبان خلاف آنچه تعهد کرده، عمل می‌کنند. این نهاد معتبر بین‌المللی گفته است که طالبان در ابتدای ورودشان به کابل عفو عمومی اعلان کرده بودند اما خلاف آن عمل کردند.
به باور یوناما، طالبان تاهنوز صدها شهروند افغانستان را به دلیل‌های نامعلوم بازداشت، زندانی و شکنجه کرده‌اند. برخی از آنها را هم به گونه‌ای مرموز به قتل رسانده‌اند.
یوناما می‌گوید که طالبان نه‌تنها به تعهدشان عمل نکرده که به‌طور قاطع در برابر مردم قرار گرفته‌اند.
آرش مهربان
