ابراهیم رئیسی، رئیس جمهور ایران و امام‌علی رحمان، رئیس جمهور تاجیکستان در دیداری در حاشیه‌ی نشست سازمان ملل در نیویورک از حضور و فعالیت گروه‌های تروریستی در افغانستان ابراز نگرانی کردند.
رئیس جمهوران ایران و تاجیکستان در حاشیه‌ی هفتادوهشتمین نشست سازمان ملل دیروز سه شنبه(۲۸سنبله/۱۹سپتامبر) از افزایش فعالیت گروه‌های تروریستی در افغانستان ابراز نگرانی کرده و گفته اند که برای جلوگیری از حضور و گسترش گروه‌های تروریستی در افغانستان نشستی از سوی کشورهای همسایه‌ی دایر گردد.
هر دو رئیس جمهور به ثبات در افغانستان، عدم دخالت بیگانگان در مسائل کشورهای منطقه و ایجاد امنیت پایدار تاکید کردند.
این در حالی‌ست که در آخرین گزارش سازمان ملل نشان می‌دهد که توانایی عملیات داعش در افغانستان افزایش پیدا کرده و بیش از ۲۰ گروه تروریستی در افغانستان حضور دارد.
