به گزارش رسانه‌های تاجیکستان، دولت تاجیکستان به دستور امام‌علی رحمان رییس‌جمهور این کشور، کمک‌های بشردوستانه به خانواده‌های زلزله‌زده افغانستان فرستاده است.
کمک‌های بشردوستانه تاجیکستان شامل لباس زمستانی، محصولات غذایی، مصالح ساختمانی، چادر، پتو، ملافه، آب آشامیدنی و غیره می‌باشد.
رسانه‌های تاجیکستان گفته‌اند که کاروانی متشکل از ۱۳۰ کامیون حامل ۳۲۵۰ تن کمک‌های بشردوستانه روز چهارشنبه (۲۶ میزان/۱۸ اکتبر) به سمت افغانستان حرکت کرده‌اند.
از سویی، شهروندان هزاره استان هرات که در زلزله اخیر خساره‌مند شده‌اند، به خبرگزاری صدای شهروند گفته‌اند که با وجود کمک‌های کشورها و سازمان‌های امداد دهنده، کمکی به آن‌ها نرسیده است.
در همین حال گزارش‌های مبنی بر دزدی کمک‌ها توسط طالبان و افراد نزدیک به این گروه وجود دارد.
